Vinaora Nivo SliderVinaora Nivo SliderVinaora Nivo SliderVinaora Nivo SliderVinaora Nivo Slider

Herzlich Willkommen, oder wia mia Tiroler sogn "Griass Gott" auf meiner Homepage. Irgendwie muaß a inseroana mit da Zeit geh und so hu i mi entschlossen dem Trend noch mehr Mundart  Rechnung z´trogn und meine Gedichte, Sprüch und Gschichtn so fe an größern Interessentenkreis zuagänglich z´mochn. Es send des Kostprobn des do zan lesn gibt. I wea owa oiwei wieder neue Gedichte dazuatoa oda austauschn um des gonze lebendig und interessant zu gestoitn. Wenn jemand Anregunga hot oder vielleicht gor amoi a Gedicht braucht, kinnts gern mit mia Kontakt aufnehma. A fe Veronstoitunga oder Lesunga war i z´ hobn. So unter dem Motto - "I hätt Zeit - und ku fost oiwei!". (Ruafts oafoch de Nummer 06505511241 u). I nimm a Kritiken u, denn mit meine Gedichte erheb i koan gruaßn literarischn Anspruch. I hu oafoch a Freid an schreibn und i hu a de letztn Johr gwoscht, das des a de Leut a gfoit. Meine Gedichte hu i in Untergruppn unterteilt, so kinnts enk vielleicht schnöa eichifindn. Wenns enk gfoit, kinnts mas ruhig schreibn, denn iwa sowas gfreit ma si natürlich gonz besonders.

Weil i iwa Johrzehnte a fe de Hopfgoschta Foschingszeitung "Ratschkatl" gschriebn hu, send vo jeda Ausgob wo i dabeigwesn bi kuschze Beiträge in. I wea owa vasuachn a do de oa oda ondare lustige Begebenheit dazu z´toa.

Interessante Neuigkeiten oda Termine vo Veronstoitunga finds es do owa a. Wenn enk de Mundart nu mehr intressiascht, kinnts za da Homepage vom Verein "Insa Tiroler Mundart" kemma, wenns obn rechts des Logo u´klickts.

 

Vü Freid ben lesn und uschaugn

Silli Oberhauser

 

---------------------------------------------------------------------------------------------------------------------------------------------------------------------------------------

 

 

◊◊◊◊◊

Adventstimmung in der Schmiede am 7.12.2015

auch 2015 wieder ein stimmungvoller, gut gelungener Adventabend

◊◊◊◊◊

 

Adventstimmung in der Schmiede am 7.12.2014

A stimmungsvolle, beeindruckende Veranstoitung, bei der scho alloa des Ambiente der Schmiede des Seinige dazua beitrogn hot.

Für adventliche Stimmung homb gsorgt: Corinna mit da Harfn und Sepp Gandler mit seiner Steirischn, Angela Stöckl, Silli Oberhauser und Sandra Larch.

A de Anklöpfla aus da Kelchsau und vo da Niederau homb mit eanare Liada vü dazua beitrogn. (Bild von Berger Christian)
 

◊◊◊◊◊

Am 07. 12. 2012 homb de Hopfgoschta Uklöpfler von Kirchenchor, Uklöpflergruppen aus Westendorf, Brixen und da Wildschönau anlässlich ihres Jubiläums zu an Abend in de Kunstschmiede in Hopfgoscht eiglodn. I hu do a bissl durchs Programm gfiascht, owa nit vü sogn brauchn, weil oafoch de verschiedenen Gruppn mit eanare Liada für de nötige Stimmung gsorgt homb. 

 

 

Jährlich veronstoitet da Verein "Insa Tiroler Mundart" Lesungen mit bekonnte Mundartdichter aus insara Gegend. So wor i be dia Veronstoitunga mit dabei:

02.10.2011 Fritzhof in Aschau

12.10.2012 Gasthof Dampflwirt in St. Johann

02.10.2013 Gasthof Mauth in St. Johann

 

 

Mundartlesung Stanglwirt 2014 

 2009 und 2010 bi i vo de "Kitzbühler Sänger" ugstöt worn, den gruaßn Volksmusikabend "Herbstl´n tuats" im Rasmushof in Kitzbühel z´moderian. Vor jedsmoi ausverkauftn Haus hu i do mit so bekonnte Voiksmusiggruppen wia de Pongauer Bläser, de Hippacher Musikanten, da Ausserfeldner Tanzlmusig, an Lindmaier Dreigsong aus Fischbachau, owa gonz speziell mit de Kitzbühler Sänger und da Kitzbühler Saitenmusig auf da Bühne steh derfn. A de Johr bi a mit de Kitzbühler Sänger, mitn Feiersinger Fritz, mitn Eberharter Pepi, an Gasteiger Hansi und da Bliberschek Erni be Advent-und Weihnachtsfeirn im Raum Kitzbühel und Reith dabeigwesn.

 

 

Gonz nette Veronstoitunga za denen i drei moi vom Leiter der Londesmusikschui, dem Gandler Sepp eiglodn worn bi. Es wor oafoch jedsmoi a Freid dia musikalischn und oft recht gschtiaschtn Nochwuchstalente z´hean, owa es homb a de Musiglehra zoagt wos se drauf homb. Es wor jedsmoi Glossary Link bärig!

 

 

 

A 2014 wor da Salvensaal bis auf den letztn Plotz bsetzt, wia de "Kitzbühler Sänger", de "Niederauer Uklöpfler" und I fe de Hopfgoschta Senioren an nettn, besinnlichen Adventnochmittag gestoitn derfn homb. Donkschö an Obmann KR Decker und sei Monnschaft, dia des jeds Johr organisian. Donkschö a an Peter Ainberger, dea dia nettn Büdl gmocht hot.

 

 

A Aufnahm vo da Galerie mit Blick auf de Bühne

Moderator Silli Oberhauser

Letzte Programmbesprechung mit da Erni vo de "Kitzbühler Sänger"

KR Obmann Pepi Decker und Pfarrer Dekan Kitzbichler

A da Pause hots Kaffee und Kuchn fe oi gebn

Pfarrer Kitzbichler be seine Grußworte

Obmann Decker begriaßt de Uklöpfler aus der Niederau

◊◊◊◊◊

2003 hot mi da Decker Pepi des easchte moi gfrogt, ob i den Adventnochmittog vo de Senioren mit meine Gedichte und Gschichtn a bissl auflockern kunnt. I hu des natrülich gean tu und so is mia de Aufgob bis zan heurign Johr oiwei bliebn.

 Anscheinend is des gonz guat ukemma, denn so bi i a za Veronstoitunga vo de Senioren a de Wildschönau und noch Brixen eiglodn won. Iwan Seniorenbund bin i a za mehrare Moderationen vo Foschingsveronstoitunga in da Salvena kemma.

 

 

9 Johr long bis zan Jor 2012 wor i Usoga ben Kelchsauer Muttertagskonzert. A bärige Veronstoitung gemeinsam mitn Männergesongsverein "Adler Kelchsau".

Muttertagskonzert 2007

 

 

Vo 1986 bis 2009 hu i jeds Johr am Stefanitog in da Salvena in Hopfgoscht de Christbamversteigerung moderiascht. Vua da Vasteigerung hots oiwei an kloan Konzertteil gebn, wo i meine Gedichte und Gschichtn vuatrogn kinna hu.  

 

 

Joomla templates by a4joomla